吞POT 雞煲火鍋.住家菜 (山林道) (已結業)

前排，和朋友去左吞POT 雞煲火鍋打邊爐過下口癮。醬油費$12/位胡椒豬肚雞煲(半隻)：由於本人中意啲較淡味既湯底，所以點左依個雞煲令自己食落去冇甘漏口。雞煲中充滿胡椒香口味道，食落帶少少胡椒既辣味，豬肚份量吾會太少，口感彈牙又爽口。當中仲有腐竹、粟米同白蘿蔔片，全部同樣地吸入左湯底既味道，食起黎更加惹味啊！雞件好口感嫩滑，仲啖啖肉；大家值得一食啊！手打四寶丸：手打牛丸，手打蝦丸，手打墨魚丸和手打黑墨魚丸。手打牛丸既牛味濃郁，咬落好多汁咇出。手打蝦丸口感幾爽口，口感彈牙，鮮味幾出。一次過可以食到手打墨魚丸和手打黑墨魚丸，個人較喜歡食手打墨魚丸，口感同樣彈牙；但手打黑墨魚丸口感會有多少少漿力甘。