蘇山雞飯

营业中

休息中

食新加坡菜，最常係會去食肉骨茶，新加坡嘅肉骨茶同埋馬來西亞嘅會有少少唔同，分別係材料上，新加坡會偏好胡椒味，但係馬來西亞就會係偏重藥材味，呢間餐廳就係用胡椒為主。我叫咗一個砂煲肉骨茶，$118，有10舊骨，每一舊骨都連住肥瘦適中嘅豬肉，咬落去係有肉香；湯底唔會特別鹹，配料如豆卜等等都充分吸引晒湯汁。店員好奇我需唔需要一個飯，而且推介左佢哋嘅油飯，用自家電飯煲慢慢煲，食落去嘅感覺又唔會太油膩，反而粒粒飯內有雞油味，唔會有好油膩嘅感覺。之後叫左杯Milo Dinosaur，濃郁唔特別甜，奶量足，唔水。最後叫左個蛋白杏仁茶，蛋白香味為主，呢到並冇落好多糖令佢變得好食，反而有好豐富嘅杏仁味同蛋白，令佢滑之餘亦都好香。