酒燒弄 (已結業)

隱藏在大角咀的燒烤舖，座位大部都係2座至4座，環境清靜，適合想傾密傾既人，餐廳有幾款精選串燒套餐比你選擇，唔洗怕有選擇困難症，係幾十款串燒入面選擇。精選一人餐 A $298鱈魚乾好薄好脆，口感好似薯片，小小咸，開胃菜。鷄翼廚房好好心機開邊再燒，調味適中。軟骨鷄肉棒雞肉搞碎同雞軟骨撈埋，輕硬兼師。極品牛舌心牛吞燒得爽口，調味剛剛好。黑豚蘆筍卷豚肉薄，蘆筍燒到梗熟，脆口好好食。冬菇，茄子，翠玉瓜好多汁，加少少鹽，已經令到的味道更突出。汁燒豆腐佢似用整臭豆腐的做法整，豆腐外皮非常脆，加埋燒汁，味道口感好夾。芝士年糕一咬啲芝士多到唧出嚟，最好等個年糕無咁熱先食，唔係會辣嘴。豬頸肉冷拌蕎麥麵 $78豬頸肉整成一粒粒燒完再放入蕎麥麵，配埋泡菜同青瓜絲拌碟。不得不讚粒粒豬頸肉燒得好好食，冷蕎麥麵配胡麻醬亦係絕配。