鐵飯碗

营业中

休息中

今日去左皇悅酒店既“鐵飯碗”，食馬來西亞菜～餐廳環境非常舒適，每上一道菜都有職員介紹餸菜特色及分菜，服務真係一流～一開始職員就介紹佢地既“特色馬來參巴醬”，看似好辣，但係香為主，好惹味，我地用黎配炸蝦片食～～頭盤有3樣，其中“蛋黃醬脆鴨絲夾”好有驚喜，好似有芋絲+鴨肉絲，非常香口！另外“酸辣香芒白飯魚”係會食到停唔到手既，魚尾都脆卜卜，酸酸甜甜，正！湯品係“南洋傳統肉骨茶”，非常多料，冬菇、豬肚、豬腩、豆卜、原粒蒜，個湯有淡淡藥材味，有幾粒辣椒仔一齊食，無得輸～主菜都有3樣，“江南煎大頭生蝦”，蝦肉好彈牙，配埋醬汁一流～“鐵飯碗釀豆腐”係用一個特別3層食盒裝，好精緻～“馬拉盞四大天王”係一道炒蔬菜，職員重點介紹特色“臭豆”，甘甘苦苦但又忍不住想食多粒😆。主食係“正宗檳城炒貴刁”，都不錯～最後仲有兩樣甜品～“貓山王楊枝甘露”同“鴛鴦班斕椰絲拼”，楊枝甘露凍冰冰，撈埋榴槤肉一齊食，好正～～班斕糯米糍，軟棉棉得黎又夠煙韌，班斕味好香～～今餐係絕對可以再食多次，雖然好幾樣餸都係咖哩or辣野，但並不太辣，同行有怕辣既人都食到～#鐵飯碗 #灣仔 #皇悅酒店 #肉骨茶 #白飯魚 #煎大頭生蝦 #炒貴