勝八鉄板串料理 (已結業)

朋友介紹來呢家銅鑼灣食鐵板燒餐廳，十二點正黎到可以靜少少傾計，但未到一點已經爆晒場，建議去之前一定要訂位。Set lunch Menu都有幾多選擇不同配搭嘅鐵板燒定食飯餐而且價錢都唔算貴幾十蚊至百幾蚊一位，仲有八五折。我今次揀咗日式鐵板串燒，頭盤有刺身兩款另外店員話每日首50名顧客可以送黑松露牡丹蝦壽司一件，呢隻牡丹蝦刺身好彈牙好新鮮好好味配合黑松露令到牡丹蝦更出色。主菜中我最欣賞燒帶子，新鮮好味帶子燒到半熟上面有少少蔥花同埋一些醬汁係殼上面作調味好正好惹味！仲有鵝肝入口即溶配合多士有助減低油膩感！我朋友就極度推介牛肉薄燒配合蔥花味道非常一絕，而且係即叫即燒熱辣辣，正！而我就極度欣賞溫室野菜有菇片翠玉瓜茄子燒到好juicy，極度新鮮爽口好味道。最後最後仲有到庭烏冬做同埋雪糕做結尾，呢份午餐令我非常滿足！