味工房 (已結業)

朋友搬新屋，今天就去左黃大仙探佢，平時就好少去呢區嘅，但我朋友話呢度原來都有幾多又平又抵食嘅小店。佢今次就帶咗我去呢間味工房，店舖四四方方都可以坐好多人，如果喜歡坐門口，都有幾張枱可以坐出面，可能方便食煙。我哋叫咗個班烤魚，冬陰公湯底小辣，之前喺深圳食過，香港就第一次，個湯好好味呀，雖然係冬陰公，但我哋叫咗小辣真係小小辣咋，條魚又肥又大條，D肉又滑👍值得下次再食！食完條魚之後就可以加湯再繼續食火鍋啦！配料都有好多選擇，有菜有肉有海鮮，而且價錢都唔係好貴！海蝦好鮮甜、蔬菜都好新鮮，我哋比較鍾意食菜，所以叫咗好多蔬菜，蕃茄、豆腐、蘿蔔、通菜、生菜、豆卜、腐皮等等。仲叫咗黑糖珍珠奶，一邊食住火鍋一邊飲住珍珠奶正😋