麵賜園 (已結業)

逢星期六中午會帶仔仔去旺角補習後，就食 lunch， 今次我哋就去咗女人街入面嘅「麵賜園」，坐位闊落，裝修新淨有特色，用QR code落單，有多款特色麵選擇，湯底濃又鮮味，餸菜豐富又美味，大大碗，份量多，仲有其他炒飯米麵、籠仔蒸飯及各款小食，飲品種類都好多，估唔到麵館都有烘焙類選擇。牛隊長拉麵濃牛骨湯底甘香濃郁，秘製牛肋條及澳洲和牛封門柳肉質鮮嫩、仲有牛肚、牛筋及蘿蔔 好入味，拉麵條夠煙韌。鐵三角蠔蝦蟹海鮮湯麵鮮魚骨湯底鮮甜濃郁，海中蝦、青口、日本生蠔等都很新鮮及彈牙，同樣揀上拉麵，其實仲有選擇扁拉麵、米粉及烏冬等。牛油果蝦多士(兩件)原隻蝦配牛油果醬冇得輸 ，又大大件。黃金單骨雞翼濃濃咸蛋黃香，非常香脆惹味。兩款特色飲品，迷你本地烘焙(熱)及走搖冰啡， 喜歡飲咖啡嘅朋友，不容錯過。