磊犇 (已結業)

主打石燒牛扒的「磊犇」，以自助模式營運。首先在門口點菜機揀選心水食物，然後向職員付款。會有個牌仔，聽到牌響便可取餐。自取圍裙餐具就可以開餐㗎喇！300gm肩肉扒厚厚的牛肩肉在熱辣辣的石板上任君翻滾！牛肩肉肉味濃郁，肉質有彈性而無渣。不要燒得太慢喔，因為太熟就唔好食啦！如果石板涼了可轉換另一塊熱板。西冷牛扒入口則比較林，質地易咬，價錢高一點點。相比之下，西冷肉味較牛肩肉啖，如重口味人士可以用店鋪提供的調味料作調味，例如粉紅岩鹽、胡椒、芝麻醬等等。店內同時提供沙律、白飯和麵豉湯任食。將白飯放在石板上，加了黑椒汁和照燒汁一齊炒，好香，好快就食完一碗飯啦！店內座無虛席，如果座位寬闊一點點就可以食得更舒服喇！