360餐廳 (已結業)

新居屋屏欣苑開始入伙，商場開左幾間餐廳，今日同老公去完圖書館就去左屏欣苑個邊食飯。商場地下有三間餐廳，兩間茶餐廳，一間西餐，我地揀左呢間西餐，見佢啲晚餐都幾抵食，最平$52有交易，價錢親民。入面都幾闊落，坐得舒服晚餐前菜可選沙律或餐湯🔸澳洲草飼肉眼扒配薯菜、野菌炊飯（$128）塊扒都幾大塊，叫左7成熟，煎得都幾好，切開粉紅有肉汁，塊牛質地都唔錯，牛味都幾濃！🔸唐揚雞球，生蠔溫泉蛋蓋飯 ($68)呢個飯既組合比較有趣，所以叫黎試下。炸生蠔都幾肥，個唐揚雞都幾好食，配溫泉蛋都ok，呢三樣野都match 既，不過配菜加左中華沙律同紅薑就多左，有點怪，個人認為less is more，唔加會更好。🔸泰式酸辣雞翼，洋蔥圈（跟餐每樣加$12）賣相好靚，兩樣脆物都脆得香脆，雞翼炸完再沾滿泰式酸辣醬，好味！洋蔥圈脆完都唔會好乾身，粉漿都唔會太厚，食到洋蔥既甜味。跟餐加$12又幾抵！餐飲叫左凍啡同凍檸茶Overall 覺得都唔錯，而且價錢親民！