諸勝堂

营业中

休息中

行过上环，去咗间食猪扒嘅诸胜堂，标榜用日本鸡蛋，去到边度见到叉烧滑蛋都好想食，所以最后都系叫咗一个自家制叉烧日本滑蛋饭，另外出名食猪，所以叫咗招牌浓厚鲜茄汁配猪肉眼扒饭，炒滑蛋系有啲生生地嘅蛋白嘅炒滑蛋，唔系个个人都接受都钟意𠮶只炒滑蛋，但系我本人系好like嘅，加埋啲酱汁，有滑蛋嘅捞饭系正嘅，自家制嘅叉烧，虽然食唔出有咩自家制咁特别，但系半肥瘦同埋味道都唔错，之后嘅招牌浓厚鲜茄汁，感觉应该系搞烂咗嘅蕃茄汁，所以系有蕃茄肉嘅汁，蕃茄味浓，但系唔算好甜，个猪肉眼扒算系厚切，亦都好嫩滑，同普通猪扒唔同，比较唔理想嘅，系个沙律菜放埋喺同一碟到，味道系有少少影响到，另外一个惊喜系杯普通冻咖啡系我钟意𠮶种冻咖啡，甜味突出但有咖啡味，喺上环食晏昼，价钱真系算唔错，啲嘢食又几好食，唔错嘅经验。