金田家 (已結業)

嚟到金田家，今次我決定食個湯底特別小小嘅柚子辛口拉麵，另外梗係一定要加返粒溏心蛋啦！一般食拉麵我一定會飲咗湯先，首先講吓個湯底真係好濃郁，仲食到淡淡嘅柚子味，中和返個油膩嘅感覺，雖然佢係辣嘅，但一啲都唔搶味。另外講到個麵質，做到啱啱好唔會太軟或者太硬；黑豚叉燒方面，佢都算非常大塊，但我就覺得有少少「鞋」，可能咁岩煮熟左少少。但係個溏心蛋有點令我喜出望外，佢非常之入味，仲做到有少少流心嘅感覺，拉麵配溏心蛋真係非常之好嘅組合。另外我都叫咗個小食，山葵蛋黃醬餃子。呢個餃子我都幾推介，入面係豬肉椰菜餡，咬落非常juicy，就算唔點餃子汁，配埋個山葵蛋黃醬都非常之夠味同估唔到咁夾。最後我都叫咗杯草莓乳酸梳打，反而呢杯可能唔係咁啱我口味，由於草莓味太淡，比乳酸味搶哂，如果草莓味更加濃少少就好啦。