金泰屋 (已結業)

佐敦好多好嘢食，金泰屋係吳松街嘅一間泰國菜。平日lunch都好多客人，今日行過就決定試下。佢嘅午餐都幾多選擇，我嗌咗個海南雞飯($52)，跟熱泰式奶茶。雖然幾多人，但係上菜都算快。首先有一碗冬瓜湯，飲落好清甜。海南雞飯啲雞肉唔會好肥，又好嫩滑，重點係冇骨，唔會食到好污糟。佢嘅飯係油飯，食落仲有陣椰香味，同啲雞好夾，真係會不知不覺食哂嘅飯。佢嘅泰式奶茶同係泰國飲過嘅泰式奶茶一樣，超級好飲。希望下次可以試下其他菜式啦。