想食任食個種日式火鍋最少都要出到大埔
最近發現上水廣場竟然新開咗牛摩
雖然餐廳唔算好大 但都起碼滿足到我地想打邊爐嘅慾望
任食火鍋通常我都會揀中價嘅個款牛肉
佢哋嘅美國極上和牛睇相已經覺得唔錯
$259一位90分鐘任食算係合理
就無揀再貴一格嘅牛小排～
一坐低侍應就會上三碟肉 分別係牛、豬、雞
第一盤美國和牛望落已經幾好
充滿平均分佈嘅雪花 肉色鮮紅
淥5-6秒即刻食 雖然薄切但都有牛味
脂肪平均 無乜一大塊既白色脂肪 亦無筋
之後我哋總共叫咗11碟和牛
其後追加嘅牛肉質素都算平均 有牛味夠雪花 係滿意嘅～
一人一鍋既湯底 分別叫咗限定豬骨湯同沙嗲湯
我哋一致覺得沙嗲湯底比較出色
夠沙嗲味 有花生粒 唔點豉油都得 食落又唔會太蓋骨肥牛嘅牛味
出面buffet形式自取 款式既種類都ok嘅
大致上都有各種蔬菜，丸類，醬料
蔬菜係幾靚同新鮮嘅（食過北區另一間啲菜係強差人意）
飲品方面都多選擇 甜品方面就泡芙比較好味～
食完再去對面飲埋珍煮丹，完美😂
