GOGO Rock (已結業)

之前朋友介紹過話旺角開咗一間好有特色嘅西餐廳，今日放假終於都得閒可以同男朋友去拍拖啦！一入到呢一間餐廳就覺得呢一度嘅環境氣氛好好，好舒適，而且座位好闊落！同男朋友叫咗兩杯酒，紅酒白酒嘅味道都好好！另外套餐重包左餐湯同埋煙三文魚沙律🥗我個人好鍾意食呢一度嘅煙三文魚沙律，煙三文魚好香，而且呢一度嘅餐湯亦都係好濃郁好足料！另外仲叫咗一份德國腸拼盤！呢一度嘅德國腸超正，好多唔同嘅款式同埋唔同嘅口味！雖然我自己都唔係特別分得到乜嘢肉類嘅腸，不過整體來講都係好食嘅！重點想推介一下呢一度嘅安格斯肉眼扒！呢一度嘅安格斯肉眼扒真係超級抵食，肉眼部位嘅牛肉味道非常之香濃，而且好嫩😆這個鍾意食牛扒嘅人一定會覺得好正！