大喜屋

营业中

休息中

係呀冇錯呀今次又係放題啦，最近好想瘋狂增肥，獎勵吓之前辛苦做嘢又瘦咗好多嘅自己，啱知同另一個女仔朋友雖然兩個都唔算好大食，但係真係好想可以瘋狂食食食。睇上邊圖片都見到我哋變咗好多唔同類型嘅食物，食放題就係咁，可以乜嘢都試吓。刺身方面主要都係點左蝦類，例如係甜蝦同埋虎蝦為主。另外試咗從來冇食過嘅小龍蝦、有一個上湯浸豆苗、和風燒魚乾、一啲唔同類型嘅壽司、豉椒炒蜆、炸天婦羅、炸紫薯波波、然後再出出面攞咗啲帶子裙邊、海草、螺肉、蔬菜、螺頭、同埋飲品等等……食完晒再食甜品，估唔到佢哋下午嘅時間食物水準都保持到，而且出面任食吧好似食物種類仲比夜晚多少少，計返感覺下午時間食性價比比較高，不過下次都係要早少少去排定隊，因為下午都坐滿晒人，要排隊！