花斑茶社 (Smithfield Walk) (已結業)

呢間最近都好多人飲，經過想嗌杯野飲，已經食飽既關係就唔想嗌鮮奶類飲品，想嗌杯熱茶解下膩。今次我嗌咗杯之前未試過既茶，個名幾特別，叫翠玉大薰花，我再加咗蜂蜜珍珠。呢杯飲品既茶底好香，好彩揀咗無糖，真係飲到佢既茶香同甘味。嗌咗熱，不過溫度係用飲管飲都唔會辣親既。另外個珍珠好有咬口，好煙韌，由於啲珍珠帶有蜂蜜甜甜地配無糖茶都會帶有啲甜味。呢間茶社價錢實惠，個杯既設計都幾有美感同藝術感，唯一係我覺得佢熱飲既包裝比起凍飲明顯細咗啲。