意八餐廳 (已結業)

晏晝一個人唔知食咩好就去Itamomo食下雖然嗰陣12點幾1點都有啲人等緊位，不過都好快有得入👍🏻佢有啲午餐SET都係四五十蚊到，不過我試既係意大利茄湯粉，有啲似茶記既常餐，喺幾樣配料到揀兩樣，揀個意粉嗌完兩分鐘都已經上菜，岩晒香港人急促既節奏🤣我呢個係煙鴨胸加蘑菇腸，每樣有三塊，味道都不錯，同埋睇到係煎過先既👍🏻唔會求其掉落去就算意粉都有幾款揀，我既係扁意粉，不過就略嫌硬左少少，始終可能係繁忙時間就差啲啲蒜蓉多士都好香好脆口🤤加埋凍飲都只係44蚊～快靚正得黎有質素👍🏻絕對比起 大X樂 美X 嗰啲好☺️☺️☺️推介推介