搵到一家位於灣仔大王東街嘅泰國菜館。華麗嘅裝修異常吸睛，優雅嘅擺設極度帶感，誘人嘅香味賦予幻想。就你啦，新泰！
前菜 - 蝦餅+魚餅拼盤
肉質上盛、新鮮炸出，配埋泰式辣醬，令我胃口大開，鍾意蝦餅嘅朋友一定要食。
前菜 - 豬、牛、雞串燒拼盤
不過不失，而係又唔係串燒做招牌，價錢又唔貴，所以都OK ！
主食 - 越式燒春雞釀香茅黃姜飯
100%推介，將黃姜飯放係隻雞入邊，一次過烹調，雞肉有飯味，飯又有雞味，互相配合。好味到非筆墨能所形容！仲有好貼心稔埋我地會食得好飽，配埋沙律解滯！
主食 - 鴨肉生菜包
味道同份量好足，生菜葉可以俾多啲，用晒要就咁撈飯食。
飲品 - 龍眼冰
新鮮龍眼製成。
