INN - I’m Not Nothing

营业中

休息中

好耐冇嚟荔枝角嘅工廠大廈食嘢，今次就嚟做朋友介紹嘅呢間INN- I’m not nothing！呢間有幾間分店，觀塘荔枝角九龍灣元朗都有分店，今次就試試荔枝角呢間！呢度員工服務都好好，好樂意介紹嘢食俾我聽！令到有選擇困難症嘅我哋，都可以快啲揀到想食嘅嘢！先揀左沙律先啦，鴨胸沙律！鴨胸份量雖然唔太多，但係個味道都幾好食！香蒜辣味鮮蜆寬面，呢點都幾抵食，有六至八隻嘅蜆喺面上邊，新星軒就冇特別做大大嘅調味，完全冇海鮮唔新鮮嘅口感，所以都幾好食！接住落嚟就係澳洲豬鞍架！呢一碟係最有驚喜！豬鞍真係好好食，個醬又唔會太咸！肉質又夠淋身！最後叫埋甜品，tiramisu同埋朱古力班戟！甜品就普普通通，normal質素！都還可以嘅！