泰玖 (已結業)

餐廳由外面睇有文青feel，走入餐廳就感受到工業風的設計，餐廳有兩層，樓下係bar 台式，而樓上係一張一張台咁坐，空間寬闊，食得舒服。泰玖招牌蟹肉煎蛋捲泰玖招牌菜之一，蟹肉融合炒蛋一齊整，香味十足，料多大份夾好食，旁邊有特製醬料，辣辣地，點少少一齊食，有另一份滋味。鹹蛋黃炒軟殼蟹鹹蛋黃醬沾滿整隻軟殼蟹，口感外脆內軟，上菜已經聞到陣陣鹹蛋黃香，味道小鹹偏甜，推薦之一。泰式欖角四季豆炒肉碎四季豆炒得淋淋地，連埋肉碎一羹放入口，味道同口質都好好，餐廳仲有少油的選項，可以食得再健康啲。依家晚市有特別優惠，買兩杯無酒精飲品，就再送一杯無酒精飲品，非常抵飲，尤其是冰茶係依家夏日炎炎可以飲一杯，消個暑。熱泰式香茅茶亦係養生之選。