喜喜冰室 (已結業)

剛剛在隔離參加完活動，已經晚上 9 點幾，友人推薦呢間餐廳，話佢好懷舊好有特色。我點咗一份特餐，可能因為個餐同澳牛太似，所以難免我會將佢哋作出比較。多士夠厚，牛油味香，外脆內軟，好味!炒蛋一般，吾夠滑。叉燒湯意粉味道一般，無驚喜。J 大人點咗呢度嘅懷舊茶餐，有雞批浮台同香蕉班戟，值得推介。雞批浮台其實即係雞批＋青豆蓉湯。雞批牛油味香濃，淨食都好好味，而青豆蓉湯淨飲好豆味，可能J 大人飲唔慣，唔係太鍾意，但係估唔到一齊食幾夾，幾好味。班戟加上焦糖糖漿、香蕉、合桃，味道好夾，連一向唔鍾意食熟水果嘅 J 大人都讚好。