金玉滿堂

营业中

休息中

今日在旺角工作完左之後同同事食晚飯，同事帶左我黎旺角橫街入面既「金玉滿堂」食菜，而且仲係大力推薦。雖然餐廳無華麗裝潢，但係整體感覺都舒適，坐得寬落。餐牌上面菜式豐富，當然唔少得餐廳推介。同事話前菜必點涼拌魚皮魚皮好爽脆，一啲都唔腥，仲落左小小麻油，瞬間提升左個味道。主菜方面，試左香草芥末元貝奇脆皇，又真係幾有驚喜。元貝夠多又大粒，茄子炒得好香口，而且加上脆卜卜既小米仔，令人愈食愈上癮。另外仲試左香脆可口既椒鹽豆腐同魚鯇火腩煲，二者mix埋一齊又幾夾，岩晒中意食魚同火腩既朋友。