川公所 (已結業)

朋友推介我食呢間川菜店，店舖環境優雅舒適，食物質素都好高！我哋叫咗一個金湯酸菜烤江團魚，份量好大！條魚好滑，吸收晒酸菜魚湯嘅汁，食落口好有驚喜☺️估唔到呢隻魚唔係好多骨，小朋友食都非常適合架！另外我哋叫咗一個虎皮尖椒，廚師將尖椒燒到啱啱好，混合左啲醬汁一齊食，又幾好味喎！虎皮尖椒夠皺皮，條尖椒先夠辣☺️估唔到村公所搵嘅辣椒全部都好夠辣，用料細心。仲有我哋點咗一份我哋專登慕名而來嘅烤茄子🍆佢哋燒到啱啱好，唔會太乾身，好好食！今餐埋單$300都唔洗真係好抵食呀！