居酒屋·姫 (已結業)

位於尖沙咀嘅居酒屋，餐牌會不時更新，務求帶比客人驚喜。今日同朋友食飯一次過試左三道魚嘅菜式，都一樣好味，所以想特意推介一下。✨銀鱈魚西京燒居酒屋好常食嘅一道菜。銀鱈魚外皮焦香脆口，魚肉非常嫩滑鮮甜，幾乎入口即溶，蘸少少沙律醬一齊食，甜甜的，好味。✨稚鮎天婦羅又稱香魚。外型細細條，但咬落鮎都好肥美，魚味濃。炸好後魚形仍然好完整，魚鰭立起，非常靚。蘸上天婦羅汁同蘿蔔蓉好好味。絕對係伴酒佳品。✨鹽燒疣鯛疣鯛，即南鯧或肉鯽。魚肉細滑有彈性，而且充滿油脂香。鹽燒令成件事香酥可口，連魚尾都食得。配上檸檬汁更帶出鮮味。