蘇媽.蘇媽馬來西亞茶餐室 (已結業)

主打馬來西亞菜嘅蘇媽蘇媽，開到尖沙咀先有機會試，星期日晚去都要等位好旺場，裝修好舒服，好馬拉特色，性價比高，唔怪得咁多人幫襯🍲豬腳彎肉骨茶第一次飲馬拉肉骨茶，甜甜甘甘，有啲藥材味，仲可以揀唔同配料，好特別，豬腳彎好淋好入味，肉骨茶仲可以添飲，好正🍜高佬麵配雞扒好大碟好大塊雞扒😮雞扒燒得好香，肉厚嫩滑，撈麵落左甜豉油，雖然個色好深，但唔會太咸太油，仲配左我鐘意食嘅小魚同花生🥪椰香咖央多士最想食係呢個多士，一上枱就要即刻食，多士外脆內軟，夾住好香嘅咖央，真係好好食，推介，可以一食再食🍹冬瓜龍眼茶🍹桔仔話梅水大大杯嘅凍飲，冬瓜龍眼茶係比較滋潤，桔仔話梅水就酸酸甜甜，好開胃