叉燒大王

营业中

休息中

今晚同屋企人去食飯，由於老豆話鍾意食叉燒，所以帶佢去食你間馳名食叉燒嘅餐廳，唔少得當然要叫一碟特選蜜汁叉燒王。一嚿嚿紅色嘅叉燒鋪得好整齊，顏色反光因為上面鋪滿蜜汁，一夾起蜜汁好似絲咁連住一齊，咬落香口之餘蜜汁同叉燒嘅肉質混埋一齊，味道相當唔錯，加埋有點脂肪嘅肉，食起嚟就更加滑啦。跟住上盤嘅係杞子蒸白鱔，呢味菜食得最多嘅係豉汁蒸，杞子蒸應該係第一次。由於用杞子黎蒸，食起嚟份外清新，同白鱔本身嘅味道好夾，白鱔肉質正又夠嫩滑，加上少量嘅魚油，食起嚟就更加香滑啦。跟手呢碟係炸淮山，估唔到呢度嘅菜式咁特別，淮山用嚟炸嘅方法應該都係第一次食，炸既功夫唔錯，因為粉夠薄所以食就夠脆，淮山嘅肉質本身就爽口，所以真係外脆內爽，口感足夠。最後仲有個湯飲，係茶樹菇瘦肉湯，呢個季節飲呢個湯就啱晒啦，因為夠晒滋潤，茶樹菇菇味突出，瘦肉味又出晒黎，所以個湯飲落夠深層次。