沙拉姆咖喱屋

呢一間喺油麻地嘅印度餐廳地方認真狹窄，真係名副其實嘅小店，不過佢啲印度菜就做得好出色，所以雖然坐得唔係好舒服，不過為咗食好嘢都係值得嘅。

一坐低就每人有一件胡椒卷餅作為免費餐前小食，點埋佢綠色嗰個汁少少辣幾開胃。

佢呢度嘅素材咖喱角做得好出色，個皮唔會太厚，入面嘅餡以薯仔蓉為主，好和味，侍應拎到嚟仲係熱辣辣嘅，所以特別好食。

我哋主菜叫咗傳統印度燒烤拼盤，入面有無骨烤雞件、去骨烤魚塊、烤羊肉卷同埋印度炭爐烤雞件。整體做得唔錯，雖然係燒烤但係無論係魚雞同羊都有肉汁，佢似乎真係用炭去做燒烤，因為食到嗰陣炭香味。

呢個印度芒果乳酪都幾好飲，唔會太甜。