影片
更多
2022-10-21
264 浏览
自己三年前去過南美洲，一路都好想喺香港搵返一啲秘魯、阿根廷風味嘅菜系，但係呢啲地方一般都係喺中環、金鐘，價錢基本上，冇$1000 ，都落唔到樓買單，最近喺網上面搵到有呢間餐廳，秘魯菜，而且同長沙灣地鐵站距離唔算遠，所以我就黎試下。總括而言，食完呢餐之後，我有三個諗法：- 水吧飲品質素高，係中環吧水準，要飲果茶；- 南美烤雞飯好食，蛋汁配埋嫩滑雞肉唔錯；- 要食佢嘅CEVICHE平目魚，日式Fusion黎。果茶佢有好多款唔同嘅味道揀，我自己同朋友就揀咗柚子同菠蘿🍍，佢嘅特色係唔甜，清，果味香，拎去配南美比較濃味嘅菜，就可以互相補足，唔會太油膩。前菜我哋叫咗幾款，青口、豬皮（加上辣蕃茄醬）、CEVICHE：平目魚，味道有少少微酸，但開胃，魚肉鮮甜；之後就係南美烤雞，食落去嘅時候有好香嘅香料、豆寂、孜然、胡椒粉、紅椒粉嘅味道，另外經烤焗嘅雞肉亦都保留左肉汁，唔乾。佢另外仲配上酸菜，如果太油膩時亦都可以中和返。最後就係特色南美烤雞飯，呢碟飯有非常多嘅雞肉，一定食得飽，而且仲有好多由南美運過嚟黑豆、再配上南美青蕃茄醬，食落去嘅時候唔會太酸，但就係清新同濃味嘅調和，算係幾唔錯。
總括而言，食完呢餐之後，我有三個諗法：
- 水吧飲品質素高，係中環吧水準，要飲果茶；
- 南美烤雞飯好食，蛋汁配埋嫩滑雞肉唔錯；
- 要食佢嘅CEVICHE平目魚，日式Fusion黎。
果茶佢有好多款唔同嘅味道揀，我自己同朋友就揀咗柚子同菠蘿🍍，佢嘅特色係唔甜，清，果味香，拎去配南美比較濃味嘅菜，就可以互相補足，唔會太油膩。
前菜我哋叫咗幾款，青口、豬皮（加上辣蕃茄醬）、CEVICHE：平目魚，味道有少少微酸，但開胃，魚肉鮮甜；
之後就係南美烤雞，食落去嘅時候有好香嘅香料、豆寂、孜然、胡椒粉、紅椒粉嘅味道，另外經烤焗嘅雞肉亦都保留左肉汁，唔乾。
佢另外仲配上酸菜，如果太油膩時亦都可以中和返。
最後就係特色南美烤雞飯，呢碟飯有非常多嘅雞肉，一定食得飽，而且仲有好多由南美運過嚟黑豆、再配上南美青蕃茄醬，食落去嘅時候唔會太酸，但就係清新同濃味嘅調和，算係幾唔錯。
张贴
