影片
更多
2021-10-18
340 浏览
🍽古琴雅苑約左好耐食北京烤鴨今日終於實現左！呢間餐廳人流都幾旺，閒日一樣座無虛席，我哋都快快手食完就交返張枱比人哋～🤍烤北京填鴨（半隻）（$188）好欣賞呢度嘅北京鐵鴨每塊多層次非常分明，有齊晒皮、脂肪同埋鴨肉可以一啖食晒，而且呢度嘅鴨肉仲比平時食開嘅多，所以感覺上就更加滿足！餐廳仲好細心咁切開咗幾塊片皮鴨，話係隻鴨最脆嘅部份，俾我哋直接夾嚟點砂糖或者醬汁食，值得加分！🤍蟹粉賽螃蟹（$188）呢個都係餐廳極之推介嘅菜式之一，所以我哋都毫不猶豫咁試咗～最後佢都冇令我哋失望，蟹粉嘅味道好香濃，而且蛋白炒得好滑身，呢度嘅醋味相對地冇咁重，可以更加感受到蟹粉嘅味道🤍瑤柱蛋白炒飯（$99）叫得菜螃蟹，又點可以冇個飯嚟撈下呢！呢個瑤柱蛋白炒飯本身炒得好香有鑊氣，而且粒粒分明，撈埋賽螃蟹食味道更加好🤍南翔小籠包（$68）一份小籠包有六隻，每隻嘅下面仲有一片薄薄嘅紅蘿蔔，等你唔使夾起個小籠包嘅時候唔小心整穿咗。啱啱蒸起嘅小籠包襯熱食超好味！🤍高力豆沙香蕉（$58）高力豆沙就食得多，加埋香蕉就真係未試過，估唔到味道又真係幾夾，第一啖咬落去首先就係食到香蕉嘅味道，之後再食落去就慢慢出埋紅豆味，不過略嫌佢層
約左好耐食北京烤鴨今日終於實現左！呢間餐廳人流都幾旺，閒日一樣座無虛席，我哋都快快手食完就交返張枱比人哋～
🤍烤北京填鴨（半隻）（$188）
好欣賞呢度嘅北京鐵鴨每塊多層次非常分明，有齊晒皮、脂肪同埋鴨肉可以一啖食晒，而且呢度嘅鴨肉仲比平時食開嘅多，所以感覺上就更加滿足！餐廳仲好細心咁切開咗幾塊片皮鴨，話係隻鴨最脆嘅部份，俾我哋直接夾嚟點砂糖或者醬汁食，值得加分！
🤍蟹粉賽螃蟹（$188）
呢個都係餐廳極之推介嘅菜式之一，所以我哋都毫不猶豫咁試咗～最後佢都冇令我哋失望，蟹粉嘅味道好香濃，而且蛋白炒得好滑身，呢度嘅醋味相對地冇咁重，可以更加感受到蟹粉嘅味道
🤍瑤柱蛋白炒飯（$99）
叫得菜螃蟹，又點可以冇個飯嚟撈下呢！呢個瑤柱蛋白炒飯本身炒得好香有鑊氣，而且粒粒分明，撈埋賽螃蟹食味道更加好
🤍南翔小籠包（$68）
一份小籠包有六隻，每隻嘅下面仲有一片薄薄嘅紅蘿蔔，等你唔使夾起個小籠包嘅時候唔小心整穿咗。啱啱蒸起嘅小籠包襯熱食超好味！
🤍高力豆沙香蕉（$58）
高力豆沙就食得多，加埋香蕉就真係未試過，估唔到味道又真係幾夾，第一啖咬落去首先就係食到香蕉嘅味道，之後再食落去就慢慢出埋紅豆味，不過略嫌佢層皮有啲相對地厚
💰額外收費
-餐前小碟（$15）
-茶芥（$13/位）
📍尖沙咀北京道12 A號太子集團中心15樓
张贴
