上野鐵板燒專門店 (已結業)

鐵板燒專門店，d鐵板燒定食都幾抵食，$50幾已經有沙律，餸，飯同餐飲。試過生薑豚肉同燒鯖魚，味道都唔錯，但今日唔想食太油。想light d 都有好多選擇，拉麵，壽司定食等等。雜錦刺身定食有4款，八爪魚，三文魚，希靈魚同油甘魚各兩塊。本來都冇期望過會好食，畢竟佢係做鐵板燒而且又唔貴，點知喜出望外！好新鮮，好肥美，好香，每一塊都好好食 咁既價錢竟然食到咁既質素，真係估佢唔到。飯就普通，稔左d。甜品係布甸，賣想極不討好，食落唔知咩味，嗜甜既我都食左一啖就放棄。