手作鮮芋站 (已結業)

朋友知道我係芋泥控，特登推介我嚟呢一間舖頭。嗰日同朋友喺度叫咗外賣， 芋泥奶凍吐司芋泥夠綿密，芋頭味香濃。奶凍超厚切又夠軟滑，呢個配搭好正，真材實料，芋泥控必試。鮮奶芋圓系列2號(三色芋圓,仙草,蜜紅豆,芝麻湯圓)芋圓煙韌有咬口，紫薯，蕃薯和芋頭味都各有千秋。仙草份量多，味道清香，口感超順滑。芝麻湯圓即時烹煮，同鮮奶冷熱交融，制作用心。手作芋泥鮮奶加寒天手作芋泥味道天然又夠幼滑，配上牛奶的配搭冇得輸。加埋寒天，飲落去有咬口，但又唔會太滯。可以一次過同朋友試左咁多款芋泥甜品，真係好滿足。芋泥控真係不容錯過。