五星茶餐廳 (已結業)

暖暖隻腳做完手術要入院，禽晚去探佢。點知佢想逃出去食野，其實我唔係好贊成，但佢真係好肚餓，又好想出去，咁我唯有陪他啦。不想走太遠，就算定呢間。見餐牌，所有項目最近都加價數元(手寫新的價錢)，好多餐又唔包飲品(加$7)，以呢頭的茶記來說，睇落都幾貴。裝修其實不太茶記，樓底高，全部木檯木椅。餐牌亦都係以小菜為主，無一般碟頭飯或粉麵。食物則普通啦，我叫了芙蓉蛋紅腸飯，暖暖要了臘腸雞煲仔飯。兩個都等左好好好耐。無食招牌的“五星雞”，問落知道原來係鹽焗雞之類男侍應的招呼殷勤，為此店挽回不少分數。