築地‧山貴水產市場 (已結業)

一直想黎築地食野，9月時趁有蠟筆小新就過黎呢到試下!平日晚上黎，walkin都有好多位。場內佈置精美，有多個影相位。叫左個刺身盛，海膽好鮮甜，帶子亦挺厚身好味，其他魚我係第一次食，但都覺得唔錯。呢個係蠟筆小新魚生飯，賣相精美，魚生亦一樣有水準。咖喱飯都不錯。甜品叫左兩款，賣相好靚左邊個小白pancake勁好食，好soft同creamy，加上少少木糠碎，入口即融感覺一流。至於右邊果個小新布丁，好似係薄荷味（?），其實都冇咩味，得個樣，唔好食。環境幾好，靜靜地都幾舒服，岩晒收工黎relax下。