阿木台灣麵 (廣華街) (已結業)

麻辣牛肉牛筋麵， 麻辣湯底味道濃郁、又麻又香；牛肉口感厚身、軟腍、唔韌，好入味、鮮嫩；牛筋口感滑溜、有咬口；麵質彈牙、煙韌，好掛汁；枱上擺有自家製麻辣醬， 無味精無添加，好足料，而且仲有加入小蝦釀製，味道麻辣十足、帶鮮味。鹽酥雞，炸粉口感酥脆，雞肉口感結實，肉汁飽滿，味道香口、香鹹，枱上擺有鹽酥雞調味粉，鹽酥雞味道濃度可自由調節。芝士岩鹽奶蓋炭燒烏龍茶，芝士岩鹽奶蓋口感幼滑、醇厚，味道咸香、濃郁；烏龍茶茶味香濃，炭燒嘅焦香，味道更特別。