影片
更多
2018-12-06
246 浏览
呢一日我哋一行幾人嚟同朋友食生日飯，surprisingly餐廳會送一份［鮑魚帶子扣花菇］比壽星。雖然係唔洗錢，但一啲都唔馬虎，我試咗少少帶子，鮮甜彈牙，朋友都話鮑魚同花菇質素都好高［精美四小拼，$168］未齊人，上個小食頂下肚餓先。呢個拼盤有拍黃瓜、醉雞、鎮江淆肉、雞絲粉皮。而其中我印象最深嘅係個拍黃瓜，因為佢落咗蝦，比平時食到嘅多咗一份鮮味，唔錯［砂鍋醃篤鮮，$148（鍋）］呢個湯用鹹肉、五花肉、百頁結、冬筍等熬成奶白色，飲落鮮味非常濃郁［烤北京填鴨（全隻），$338］師傅即席喺枱邊片鴨首先片咗隻鴨嘅心口呢幾片一口酥，要趁熱點砂糖食。非常脆口師傅好有心機將片好嘅鴨排得好靚佐料除咗有青瓜同京蔥之外，仲有哈密瓜，令整體味道更加清新。值得一提嘅係，蒸籠入面嘅每一塊餅皮之間都有張紙隔住，所以唔會痴住哂，非常貼心方便。餅皮亦都好煙韌，唔會乾爭爭掂一掂就裂，口感十分好！［干扁四季豆，$79］炒得好乾身，一啲都唔油，而且非常夠鑊氣同埋惹味，送飯一流［風味松子魚，$258］賣相已經值咗個價，加上冇骨嘅魚身炸得外脆內嫩，醬汁亦酸甜適中，整體係滿分［上海炒年糕，$88］呢道菜一上枱就香氣四溢，食落亦係
呢一日我哋一行幾人嚟同朋友食生日飯，surprisingly餐廳會送一份［鮑魚帶子扣花菇］比壽星。雖然係唔洗錢，但一啲都唔馬虎，我試咗少少帶子，鮮甜彈牙，朋友都話鮑魚同花菇質素都好高
［精美四小拼，$168］未齊人，上個小食頂下肚餓先。呢個拼盤有拍黃瓜、醉雞、鎮江淆肉、雞絲粉皮。而其中我印象最深嘅係個拍黃瓜，因為佢落咗蝦，比平時食到嘅多咗一份鮮味，唔錯
［砂鍋醃篤鮮，$148（鍋）］呢個湯用鹹肉、五花肉、百頁結、冬筍等熬成奶白色，飲落鮮味非常濃郁
［烤北京填鴨（全隻），$338］師傅即席喺枱邊片鴨
首先片咗隻鴨嘅心口呢幾片一口酥，要趁熱點砂糖食。非常脆口
師傅好有心機將片好嘅鴨排得好靚
佐料除咗有青瓜同京蔥之外，仲有哈密瓜，令整體味道更加清新。值得一提嘅係，蒸籠入面嘅每一塊餅皮之間都有張紙隔住，所以唔會痴住哂，非常貼心方便。餅皮亦都好煙韌，唔會乾爭爭掂一掂就裂，口感十分好！
［干扁四季豆，$79］炒得好乾身，一啲都唔油，而且非常夠鑊氣同埋惹味，送飯一流
［風味松子魚，$258］賣相已經值咗個價，加上冇骨嘅魚身炸得外脆內嫩，醬汁亦酸甜適中，整體係滿分
［上海炒年糕，$88］呢道菜一上枱就香氣四溢，食落亦係不失所望。鹹香味道調配得適中，年糕煙韌度亦啱啱好
［杞子桂花糕，$42］桂花嘅味道好清香，加上杞子令賣相更靚，口感亦唔會太過爽，係我鐘意嘅軟硬度！
［冬瓜薏米水，$28］杯入面有大量冬瓜粒同薏米，睇得出係真材實料，而且佢暖暖哋啱飲嘅溫度又唔會太甜，令人可以一口氣飲大半杯
张贴
