逸 壽司 (已結業)

係依家呢個環境低下，當你無得去旅行，而又真係好掛住日本既時候，可以點做？我選擇左去食日本菜，希望可以排解到呢份情懷，雖然短暫，但都好過冇啦。 店內裝修明亮簡潔，亦充滿日式格調，近距離睇到壽司師傅响我面即叫即做壽司，感覺都幾好feel，仲可以睇埋d食材有幾咁新鮮同有光澤。見到餐牌內除了基本日本定食，以及壽司款式外，仲有Omakase。但今朝食飽左個肚，lunch我就只係簡單地選了12件壽司，當中有吞拿魚腩、赤蝦、甜蝦、熟蝦、蒽吞拿腩軍艦、牛油果沙律軍艦、芥辣八爪魚軍艦、帶子、火炙帶子、池魚、北寄貝同火炙左口魚邊。 吞拿魚腩 – 一眼已望到色水好靚，果然入口即溶。蒽吞拿腩軍艦 & 芥辣八爪魚軍艦 – 也很有水準。牛油果沙律軍艦 – 呢件比到驚喜我，牛油果配上蟹籽和少量沙律醬，很搭配。帶子 & 赤蝦 – 新鮮，如果帶子再厚身d就更好。火炙左口魚邊&池魚– 輕微火炙過的左口魚邊，油脂感好豐富，好好味。池魚也很不錯。北寄貝&甜蝦&熟蝦 – 正正常常，不會令人失望。