燈籠滷味 (登龍街) (已結業)

睇戲之前搵野食， 上網見到登龍街有間台菜都多人推介， 就走左去試1試。落左單等左15分鍾都未冇野食， 諗住係即叫即做所以慢d。點知有個店員拎左唔係我地既單黎， 已經知賴野， 我地個d單漏左， 連單都唔知埋， 要再落但再落好快就有野食。希望下次會小心d啦豬耳豬大腸椰菜冬粉：豬耳同豬腸都入味，大腸冇怪味，，洗得都乾淨。椰菜同冬粉索晒d滷水汁， 味道唔錯。蘿白雞翼豬肉片烏龍麵：蘿白冇渣，雞翼嫩滑， 豬肉片肥瘦適中， 但烏龍麵太淋，煮完上枱賣相唔多靚。台式香腸：皮脆，少少蜜味， 好食熱茉莉花綠茶加仙草：茉莉花香，但綠茶有些少澀。價錢係偏貴少少， 1個麵底基本上10蚊，每加1個送又10蚊，小食算係最正常價。雖然有少少甩漏，但我下次都係會再黎。