影片
更多
2016-03-30
5805 浏览
今日見早早地仲有時間就上左去又一城simplylife排隊，務必要食到佢地既甜品。我一直係佢地蛋糕既忠實粉絲，每次去都一定要叫返幾款黎食。而且今次非常好彩，并唔需要排好耐隊就入到去啦！因爲實在太好味既關係我一時大懵唔記得影曬所有野食，不過我會盡我所能同大家分享我認爲最好食既菜色 我地叫左三個main加左兩個湯同沙律。落左單之後waiter好迅速就上左麵包，麵包分量非常多，而且今次係麥包，比平時既白麵包更添一份麥粉既香味，雖然比普通白麵包比較硬身，不過配上牛油之後呢款麥包非常好味，絕對不比軟熟既白麵包遜色！雖然好好味，不過由於分量都頗多，我地都係無食曬，要留肚食main course 哈哈。上麵包又點少得湯品呢！今日餐湯係蘑菇湯，非常足料之外仲加左好多忌廉，成個蘑菇湯非常香滑，而且蘑菇味非常重，好好飲 之後main叫左三個，有燒春雞，黑松露闊條麵同肌肉漢堡 （不過因爲臺面唔夠位既關係我唔記得影個burger呀！！）燒鷄我覺得比以前做得稍微遜色，肉質雖然嫩滑，但有d部分比較咁，而且味道偏淡及分量比以前少，未見特別出色。不過呢款黑松露闊條麵就值得推介比大家啦~ 首先闊條麵煮得剛剛好，唔會
因爲實在太好味既關係我一時大懵唔記得影曬所有野食，不過我會盡我所能同大家分享我認爲最好食既菜色
我地叫左三個main加左兩個湯同沙律。落左單之後waiter好迅速就上左麵包，麵包分量非常多，而且今次係麥包，比平時既白麵包更添一份麥粉既香味，雖然比普通白麵包比較硬身，不過配上牛油之後呢款麥包非常好味，絕對不比軟熟既白麵包遜色！雖然好好味，不過由於分量都頗多，我地都係無食曬，要留肚食main course 哈哈。
上麵包又點少得湯品呢！今日餐湯係蘑菇湯，非常足料之外仲加左好多忌廉，成個蘑菇湯非常香滑，而且蘑菇味非常重，好好飲
之後main叫左三個，有燒春雞，黑松露闊條麵同肌肉漢堡 （不過因爲臺面唔夠位既關係我唔記得影個burger呀！！）燒鷄我覺得比以前做得稍微遜色，肉質雖然嫩滑，但有d部分比較咁，而且味道偏淡及分量比以前少，未見特別出色。
不過呢款黑松露闊條麵就值得推介比大家啦~ 首先闊條麵煮得剛剛好，唔會好硬但仍然保持咬口，而且醬汁風量亦都剛剛好，足以果包住每條麵條，蘑菇及芝士分量亦都好多，調味適中得黎靠黑松露帶出整碟闊條麵既精髓，好好味
不過美中不足就係餐臺位置比較細，而盤子比較大，唔係足夠放4個人分量既食物，所以要加快食野既速度，快d食完一碟要收起先有位 食完主菜梗係到主角出場啦！我最喜愛既甜品呀！我地非常貪心咁叫左三款，有Banana Banoffee Pie，lemon merigne tart 同埋chocolate orange mousse cake.
呢款banana banoffee pie 有非常濃鬱既香蕉味同足料香蕉夾心，上面有厚厚既cream再加上甜甜既朱古力條，非常好味！而且我覺得simplylife普遍既蛋糕都唔會話非常甜，好好食
另外呢款lemon merigne一直都係我既摯愛！我覺得佢個檸檬味cream做得非常好，酸甜度適中，而且咬落去有軟綿綿既感覺，配上上面微微燒至金黃又甜甜既忌廉，好食到停唔到呀！
最後呢款chocolate orange mousse 係最邪惡架！朱古力味非常濃，而且質地非常黏稠厚身，大家見到相裏面前面已經跌坐落黎，雖然影響左美感，不過亦都證明佢既慕斯非常厚身，簡直好食到聽唔到口呀！
整體食物都好有水準，不過個人覺得a la carte menu稍微有d偏貴，好似燒鷄分量有d少，不過甜品價錢算係相宜，質量一直保持到水平之外價錢亦算中等，絕對係唔錯既選擇
张贴
