影片
更多
2007-09-14
6 浏览
黎呢度食預左要排隊，行完CITY SUPER返黎就岩岩好有位喇！係海港城既食肆呢間算係好味抵食，可惜係冇卡位坐，Ｄ位有Ｄ迫，同隔離枱唔夠三吋，所以坐得唔多舒服，不過食物搭救啦！今次叫左：1)小籠包(充滿鮮味肉汁既小籠包非常美味，趁佢熱騰騰一口食左佢就最好，但小心燙口。)2)鱔糊炒拉麵(碟頭幾大，唔算好油，亦很足料，唔錯！)3)白菜獅子頭(原本以為獅子頭兩舊肉會好滯，但食落又唔覺，而且味道適中，配上清淡既津白菜就係健康既選擇喇。)4)荳沙鍋餅(炸得香脆既餅皮包住唔太甜既荳沙，不過皮略厚，如果加埋香蕉會更好哩！)食過咁多間翡翠都係覺得呢度最好食，可能因為係遊客區唔可以做衰個名卦，下次再黎排過先得！
係海港城既食肆呢間算係好味抵食，可惜係冇卡位坐，Ｄ位有Ｄ迫，同隔離枱唔夠三吋，所以坐得唔多舒服，不過食物搭救啦！
今次叫左：
1)小籠包(充滿鮮味肉汁既小籠包非常美味，趁佢熱騰騰一口食左佢就最好，但小心燙口。)
2)鱔糊炒拉麵(碟頭幾大，唔算好油，亦很足料，唔錯！)
3)白菜獅子頭(原本以為獅子頭兩舊肉會好滯，但食落又唔覺，而且味道適中，配上清淡既津白菜就係健康既選擇喇。)
4)荳沙鍋餅(炸得香脆既餅皮包住唔太甜既荳沙，不過皮略厚，如果加埋香蕉會更好哩！)
食過咁多間翡翠都係覺得呢度最好食，可能因為係遊客區唔可以做衰個名卦，下次再黎排過先得！
张贴
