肥公車仔麵 (已結業)

長期排長龍車仔麵店今日究竟發生咗乜嘢事竟然唔洗排隊梗係立即狗衝啦。叫咗四個餸真係好少可叫咁少，皆因轉頭約咗人食飯。我叫咗牛筋腩、豬手、豬皮同埋豬大腸，搞到成碗野充滿豐富骨膠原。炆豬手炆得夠淋兼好入味而且肉質好有彈性，又唔軔，一句講晒就係掂。豬皮夠厚身口感好爽同埋索晒啲汁好正。豬大腸全部都係小腸部份特別煙韌，腸內有肥膏令d豬腸特別香。牛筋腩又係炆得又淋又入味唔會韌，多蔥又真係又正又開心。食完真係好滿足唔掛得成日都要排隊啦。