敏華冰廳 (海趣坊)

閒日食個早餐都要排隊?開門開7點，7點50到已經有人龍，有冇咁痴線啊！慶幸1位易攞位，不過都排咗10分鐘，入座後才發現有好多吉位，根本就係伙計安排係故意製造假象，等外邊的人以為這餐廳好受歡迎。味道坦白講一般，炒蛋嚟講就略勝翠華，但比澳牛遜色，當然伙計態度不錯，好過澳牛，最低限度唔會趕你走。至於佢地推介嘅忌廉雞湯火腿通，已經叫咗扣底(諗住飲吓湯)，失望嘅，因為幾淡，食過土瓜灣嘅一冰廳，佢個忌廉湯底好濃，所以幻想得太多，換來有點唏噓的感覺，總括嚟講係ok嘅，不過要排隊就扣分。

7

6