瓏門冰室 (已結業)

去到尖沙咀食飯，經過近排大熱既龍門冰室，難得地吾算太多人，所以就打算去試下，前面有5，6個人，不過排左十幾分鐘就有位啦入到去緊係食佢最出名既茶餐啦，佢有２個茶餐揀，今次我就叫左瑞士汁雞翼公仔面，瑞士雞翼非常入味，不過肉質仲係好嫩滑，好味道。而且今次我轉左茄湯公仔面，個面黎左我都有小小嚇親，估吾到佢個蕃茄湯係咁濃，濃到好似茄醬咁，而且仲有好多舊炆到好淋既薯仔，食落勁飽肚，不過味道比較酸。炒蛋同多士都好大份，亦係水準之作，　我相信就算一個大男人食完吾會有空虛既感覺。另外餐飲我加左錢要左杯紅豆冰，紅豆煮得好甜好淋，保留到小小咬口，再配上花奶，甜度岩岩好，不過可惜的是佢用即棄膠杯，同平時飲紅豆冰既感覺有小小格格不入。