八鯨料理

营业中

休息中

八鯨一向都超受歡迎超多人食，而且價錢唔貴，食物質素又幾好，同朋友經過附近又想食日本野，見時間尚早又未係好肚餓就排隊支持下。由於係星期六夜晚，同平日相比更多一家大細黎食，我同朋友兩個人反而唔係等左好耐就有位，未夠半個鐘就入到去坐。隔黎有一家大細等左一個鐘小店既座位唔算多，座位可能會有少少窄，店員好有禮貌好nice，上餐既速度好快。海老天(炸蝦天婦羅)︰粉漿薄，咬落脆身，蝦爽口彈牙，而且好大隻。美中不足係略嫌多左少少油，我哋將d蝦喺紙上面碌左幾下先食，咁樣食落就唔會太多油。吞拿魚丼︰吞拿魚大滿足！好鮮甜，好多吞拿魚，食落超新鮮！魚籽咸咸地咁，同鮮甜既吞拿魚夾埋真係一流。鰻魚飯︰鰻魚厚身，肉質彈牙，烤得好香，底部有少少脆身，醬汁香甜。有機會經過又有時間等既話，非常推介一試，親民價錢高質日式料理。