排左10分鐘左右，入得，內裡裝修甚有台灣風味，有懷舊兒時玩具作擺設，
也有玩味的霓虹光管招牌，餐廳有兩層，都多坐位。
餐牌可用水筆自己圈，好似食港式車仔麵，自己圈出麵底、餸、小食和飲品。
小食叫了蘋果鹽酥雞$38，真係未見過用蘋果配搭，原來係咁好食，鹽酥雞炸得香脆，雞肉夠淋，
另一小食係起司玉米蛋餅$30，蛋餅向來是我至愛，中間芝士擁出來，煙韌有口感，蛋餅唔會太硬。
麵方面，叫了稻庭烏冬麵$13作麵底，餸叫了豬腱肉$10，肉質好淋，滷水入味；滷雞翼$10，有兩隻，肉質好滑。
朋友叫了冬粉$10，即我地食開的粉絲，熟度剛好，有彈牙口感。最欣賞係滷雞腎，好入味；豬耳朵，好爽脆；還有杏鮑菇，大大塊。
飲品叫了招牌的珍珠奶茶$24，仲可以選擇半糖，半冰，真好，珍珠夠煙韌，有黑糖味道。
