陳漢記 (已結業)

星期日踩完單車搭小巴出番大埔市中心找野食！ 最後決定係你啦！ 一去到已經有長長的人龍！ 最後我負責排隊，男人負責去後街買小食醫肚！ 排左差唔多一個鐘，終於去到隊頭！ 職員叔叔問我地食咩！唔該，一個白鱔豬肉煲仔飯，叉燒腸同蟹粥！ 職員叔叔話：「除左煲仔飯外，其餘野食都可以在店內落單」過左一陣終於有得入去坐，叫左腸粉同粥，好快有得食！ 腸粉皮好滑！蟹粥方面，有1.5隻蟹！男人話好味好鮮甜！食完野呆坐等煲仔飯！ 最後真係等左一個鐘，煲仔飯終於上檯啦！我覺得煲仔飯冇咩特別，正正常常啦！ 不過真心超熱！ 店內環境乾淨，燈光充足，冷氣超強有點冷！