影片
更多
2015-11-15
3591 浏览
又一城的Simplylife長期都排長龍，午晚飯既高峰時期尤其厲害，條龍有成三摺，有一兩次真係放棄左，但下一次黎又一城，又好自然咁想去Simplylife食飯，因為呢度既食物質素確係好，而且呢間分店既蛋糕選擇特別多，甜品怪如我真係受唔住誘惑。今日中午時分黎到，叫左午餐。餐湯係磨菇湯，睇顏色已知道真材實料，湯內有磨菇碎，有咬口，湯身都好濃好滑，旁邊仲配多塊自家出品招牌麵包，第一印象滿分。唔like忌廉湯既朋友，可以選沙律，有西蘭花、紅椒、洋蔥、雜菜等等，沙律配左香醋，酸酸甜甜，唔會肥，夠晒健康。火箭菜長通粉，我好鍾意火箭菜既味道，所以呢個通粉特別醒胃。通粉係全素，素食朋友都可以揀呢個。巴拿馬火腿火箭菜番茄芝士薄餅，haha sorry，又係火箭菜。不過食法唔同既，巴拿馬火腿同火箭菜向來就係絕配，加上烤得脆身既薄餅，好味。不過記得要趁熱食，否則火箭菜攤凍左會變成一pat同出水，整濕左塊薄餅就唔好味。蟹肉意粉，蟹肉分量唔少，配合番茄雜菜等等，都幾清新，但我一向偏向鍾意濃味，呢個唔係我杯茶。炸魚薯條，炸漿太多，好厚粉，魚味淡，唔好食，係較失望既一碟。重點黎啦，我最愛既Simplylife蛋糕，
今日中午時分黎到，叫左午餐。
餐湯係磨菇湯，睇顏色已知道真材實料，湯內有磨菇碎，有咬口，湯身都好濃好滑，旁邊仲配多塊自家出品招牌麵包，第一印象滿分。
唔like忌廉湯既朋友，可以選沙律，有西蘭花、紅椒、洋蔥、雜菜等等，沙律配左香醋，酸酸甜甜，唔會肥，夠晒健康。
火箭菜長通粉，我好鍾意火箭菜既味道，所以呢個通粉特別醒胃。通粉係全素，素食朋友都可以揀呢個。
巴拿馬火腿火箭菜番茄芝士薄餅，haha sorry，又係火箭菜。不過食法唔同既，巴拿馬火腿同火箭菜向來就係絕配，加上烤得脆身既薄餅，好味。不過記得要趁熱食，否則火箭菜攤凍左會變成一pat同出水，整濕左塊薄餅就唔好味。
蟹肉意粉，蟹肉分量唔少，配合番茄雜菜等等，都幾清新，但我一向偏向鍾意濃味，呢個唔係我杯茶。
炸魚薯條，炸漿太多，好厚粉，魚味淡，唔好食，係較失望既一碟。
重點黎啦，我最愛既Simplylife蛋糕，前面既係新鮮無花果蛋糕，仲有好味藍莓同合桃，全部都係我鍾意既材料，簡直正到暈；後面係香蕉拖肥朱古力蛋糕，拖肥好香好甜，同香蕉好夾。如果只能選一款，魚與熊掌，真係好難揀，不過我應該都係會揀無花果，因為香蕉比較普通，但要食靚既無花果蛋糕就唔係度度有。
飲品可以揀咖啡或茶，我好鍾意呢d方糖，好靚呀。咖啡香濃，濃淡適中，唔錯。想清清地既，唔駛咁悶又飲檸檬茶，因為呢度既餐飲可以揀果茶，大大片水果響入面，好清甜美味。
张贴
