鹿角巷

营业中

休息中

話說閨蜜L約美味子一齊試下呢間人氣珍珠奶茶店。本來係一個愉快既下午，我地由3pm開始排隊，排左差唔多一個鐘先買到，叫左一杯招牌黑糖珍珠奶茶同9號皇家奶茶加珍珠，之後見到有排冲所以過左對面街行一陣，點知返到嚟諗住拎奶茶既時候，店員S叫我地重新排過隊！我地兩個打晒問號完全唔知發生咩事咁？！店員S就話排我地之後既兩位客人話我地打佔，所以冇冲到兩杯奶茶俾我地叫我地再排過！！！我地即刻澄清我地真係排左一個鐘頭隊買既，我地亦都反問點解會收左錢又唔冲俾我地呢？冇證據就立亂信左其他人！話我地打佔點解嗰刻又唔即刻叫住我地呢？收銀員H話有叫我地但我地越行越遠叫唔到我地返嚟，咁所以呢？我地兩個無🍄🍄就咁俾佢地浪費左另外20分鐘去返睇CCTV，最後證實我地係有排隊，揾左另一位男店員出嚟同我地道歉同free返兩杯奶茶俾我地，男店員話因為有好幾次都有人打佔所有佢地對打佔呢樣野好敏感，而佢d同事H 同S店員就誤會左我地，真正打佔既人就逍遙法外🤦🏻‍♀️呢一刻飲落去都完全覺得不是味兒，真係非常差既體驗。最後我亦都send左封投訴信俾鹿角巷，係收到道歉同話會小心d處理，但冇任何補償同提及任何方案處理問題。美味子希望公開呢