咖啡弄 (已結業)

星期六去左食咖啡弄，排左成兩個幾鐘先有得食。由於佢限制入去食野既人一定要叫野飲，係綠茶控既我就叫左杯綠茶smoothie。杯smoothie算係不過不失啦，但覺得唔係好濃綠茶味，亦都可以再滑啲。我個fd就叫左芒果味既，佢都話幾好飲。然後，我叫左個集匯三文治，首先，份量好足，有成三份。啲料都好正，好好味，又夠哂飽。我個fd就叫左個類似pizza既toast, 好多芝士，又好重蕃茄味，但一啲都唔覺得好膩。今次係第二次去做，始終都係咁好食，又夠哂飽，雖然排好耐，但都係抵既。