NINETYs (皇后大道東) (已結業)

今日係灣仔諗住食泰國嘢，出名要排隊嘅船面，但係今日超級排長龍，所以轉左去另一間，聽說附近有一間澳洲風brunch, 見只有幾個排隊，即管排一排。店員也相當體貼，見當日天氣比較熱，也特別為我們送上水。大概等了20分鐘，終於到我哋喇。非常喜歡食龍蝦，而Lobster Benedict 係佢哋嘅Signature, 當然要試吓啦。另外點了牛油果三文魚sandwiches。三文治正正常常，麵包好吃，只是賣相不是太靚。但比較失望係龍蝦，我覺得佢有少少似煲完湯嘅肉，多過係一隻龍蝦😅😅，其實佢個汁係幾好味又幾特別，呢個麵包都一樣係好好味，不過真係龍蝦over cooked!! 見到咁多人排隊，個龍蝦又要咁失望，都唔敢再試咖啡，決定晏d去第二度再食下午茶。如果唔係要等20分鐘都可以試吓，要等嘅話應該唔會有下一次。