貢茶 (已結業)

路過旺角，總是心癢癢的想去掃街，然而每次都有不同原因令我倆緣慳一面。今日，終於有機會一聚了。每次進行掃街行動前，必會買杯大飲品，無他，因為街頭小吃必下味精，買定野飲必有用。輕鬆X試了太多，不要再飲卡路里勁高既例牌珍珠奶茶，兼每次條人龍都見首不見尾，不想有排等。剛好經過貢茶，雖然人亦多，但人群很快散去，加上未試過，呢度當然成首選。奶蓋綠茶(少甜，少冰)綠茶清甜涼無苦澀味。面層奶蓋外形似鮮打忌廉，味似北京的蜜糖酸牛奶，濃郁中帶幼滑。奶蓋之上灑上少許綠茶粉，更帶清香。跟著杯蓋指示，不用飲管，打開杯蓋來呷，讓嘴角先沾了奶泡，更覺滿足。不足之處是略嫌奶蓋太少。相比起減肥人士大敵既珍珠奶茶，奶蓋綠茶更得我心。大概，貢茶成了我的旺角掃街新寵兒。